UK🇬🇧 को स्कटल्याण्ड स्थित एकै विश्वविद्यालयबाट एकैदिन ६२ नेपाली🇳🇵विद्यार्थीहरु MBA मा भए दीक्षित (तस्वीर सहित)

११ नोभेम्बर २०२४। Paisley, युनिभर्सिटी अफ द वेस्ट अफ स्कटल्याण्ड (UWS) मा सम्पन्न भव्य दीक्षान्त समारोहमा करिब ६२ नेपाली विद्यार्थीले एकैसाथ स्नातकोत्तर (MBA) को उपाधि प्राप्त गरेका छन्। उक्त समारोह पेइस्ले एबे (Paisley Abbey) मा नोभेम्बर ११ तारिखमा आयोजना गरिएको थियो। MBA समूहको एउटै शैक्षिक सत्रका उच्च संख्यामा नेपाली विद्यार्थीहरू उत्तिर्ण हुने मध्ये यो पहिलो अवसर भएको छ।

समग्रमा UWS का २४७ जना विद्यार्थीहरूले यस दिन दीक्षान्त समारोहमा सहभागिता जनाएका थिए, जसमा १० जनाले विद्यावारिधि (PhD), एक जनाले डक्टरेट अफ बिजनेस एडमिनिस्ट्रेसन (DBA) र बाँकी २३६ जनाले मास्टर अफ बिजनेस एडमिनिस्ट्रेसन (MBA) को उपाधि प्राप्त गरेका हुन्। MBA उपाधि हासिल गर्नेमा २- ३ जना बाहेक अधिकांश विद्यार्थी सेप्टेम्बर २०२३ इन्टेकका विद्यार्थी हुन्, जसले एकैसाथ एकै दिन आफ्नो उपाधि प्राप्त गरेका हुन्। यसै क्रममा, MBA अन्तर्गतको सेप्टेम्बर २०२३ इन्टेक बाट २३६ जना सहभागी विद्यार्थीमा ६२ जना नेपाली विद्यार्थी रहेका छन्, जुन अन्य देशका विद्यार्थी को तुलनामा निकै उच्च संख्यामा रहेको छ।

बेलायतमा नेपाली विद्यार्थीको चासो र आकर्षण दिन प्रतिदिन बढ्दै गएको छ। उच्च शिक्षा र विश्वभर रोजगारीको अवसर पाउनका लागि नेपाली विद्यार्थीहरू युकेमा आउने क्रम जारी छ। यस अवसरमा दीक्षित भएका नेपाली विद्यार्थीहरूले पनि युकेमा अध्ययन गरेर आ-आफ्नो लक्ष्य हासिल गर्ने र नेपाललाई गौरव गराउने विश्वास लिएका छन्।

तस्वीर हरु