प्रचण्ड नेतृत्वको सरकारमा ४ जना उप-प्रधानमंत्री सहित २३ सदस्यीय मन्त्रिमण्डल (सुची सहित)।खबर बुटवल

माघ ०३ ।बुटवल

पुष्प कमल दाहाल “प्रचण्ड” नेतृत्वको सरकारमा कुल २३ सदस्यीय मन्त्रिमण्डल गठन भएको छ। उक्त मन्त्रिमण्डलमा ४ जना उपप्रधानमन्त्री, १५ जना मन्त्री र ३ जना राज्यमन्त्री बनेका छन्। रवि लामिछाने, बिष्णु पौडेल, नारायणकाजी श्रेष्ठ र राजेन्द्र लिङ्देन उपप्रधानमन्त्री बनेका छन्। ४ उपप्रधानमन्त्रीमध्ये तीन जनाले पुस ११ गते नै सपथ लिएका थिए भने लिङ्देनले माघ ०३, मंगलबार सपथ लिएका हुन्। राष्ट्रपतिको कार्यालय अनुसार मन्त्रिपरिषदको वरीयताक्रममा अर्थ मन्त्रालयको जिम्मेवारी पाएका बिष्णु पौडेल दोस्रो स्थानमा छन् भने भौतिक पूर्वाधार मन्त्री नारायणकाजी श्रेष्ठ तेस्रो स्थानमा छन्। रास्वपा का रवि लामिछाने ले उपप्राधानामंत्री सहित गृहमन्त्रीको जिम्मेवारी सम्हालेका चौथो वरीयतामा छन् भने ऊर्जा मन्त्रालयको समेत जिम्मेवारी सम्हालेका राजेन्द्र लिङ्देन पाँचौं स्थानमा रहेका छन्। उक्त मन्त्रिमण्डलमा अधिकांश मन्त्रि हरु राजनीतिमा नयाँ अनुहारको रुपमा समेत रहेका छन् तसर्थ नव नियुक्त मन्त्रीहरुको लागि अबको कार्यकाल निकै चुनौतीपूर्ण समेत हुने देखिन्छ।

राष्ट्रपति विद्यादेवी भण्डारीले प्रधानमन्त्रीको सिफारिसमानिम्नबमोजिमको नियुक्ति, हेरफेर र कार्य विभाजन गरी मन्त्रिपरिषद् गठन गर्नुभएको हो।